Saturday, September 20, 2008

وقفة تضامنيه لأهالى طوسون و عزبة العرب من اجل اهالى الدويقه

فى بادره هى الاولى من نوعها ... قام نحو 250 من اهالى طوسون " المنكوبين و المشردين " و معهم اهالى من عزبة العرب .. الذين تتشابه قضيتهم و اوضاعهم مع بعضهم .. بوقفه صامته حدادا على ضحايا كارثة الدويقه ... و كانت الوقفه مجرد تضامن مع منكوبى الدويقه .. و ان اهالى الاسكندريه بيوصلوا رسااله بسيطه للدويقه .. انهم مش لوحدهم .. و ان المشااكل كلها واحده و المسؤول عن مصيابهم هى نفس الحكومه اللى دمرت ارض طوسون ... و اقتحمتها بالجرافات " المصريه " و تحت حماية المئات من قوات الامن المركزى و امن الدوله .. هى هى الحكومه اللى دخلت و اخدت عشرات الفدادين من عزبة العرب و كله لصاااالح كبار المستثمرين و اصحاب الانديه الكبااااار
هى دى برضه نفس الحكومه اللى سابت اهالى الدويقه يندفنوا تحت الانقااض .. و رفضت تشيل الجثث عشان التكلفه عاليه عليها .. و قامت قوات الامن الباسله بضرب الاهالى وعدم مساعدتهم .. و رفضت الحكومه تسليم المتضررين شقق سوزان مبارك ..
كان من ضمن اليفط اللى مكتوبه .. و اللى كتبها الاهالى هنا فى اسكندريه ... كفن للبيع ... و الفقراء بلا ثمن ... و غيره من الكلام المعبر عن حالة المشردين فى مصر
الغريب فى الوقفه هو غيااب جميع الاحزاب " المصريه المعارضه " عن التواجد .. و الحضور منهم كان ضعيف جدا.. حزب الغد حضر من عنده شخص واحد فقط و زيه بظبط حزب الجبهه .. و حركة كفايه .. وعدم حضور اى ممثلين من اى احزاب اخرى بالرغم من دعوتهم جميعا و معرفتهم مسبقا بمصيبة الدويقه و طوسون و عزبة العرب و غيره ..و كان التواجد فقط للعديد من شباب حركة تضامن اللى رفعوا صور و لافتات تضامنيه مع الدويقه و ايضا تواجد عدد من ممثلى مركز الدراسات الاشتراكيه.

 

IMG_0085

 

IMG_0087

 

IMG_0088

 

IMG_0086