فى تانى ايام العيد ... اللى اكيد مش عيدبالنسبه لاهالى طوسون و بيوتهم مهدوده
الاهالى حبت تقضى يوم ... زى باقى الناس العاديه .. قالو يتقابلوا كلهم فى الارض بتاعتهم " مكان بيوتهم اللى اتهدت " و يقضوا اليوم كله مع بعض هناااك.. و كان من ضمن البرنامج انهم يلعبوا كوره مع بعض و يقعدوا يدردشوا و كده.. و ياكلو فى الارض
و بعدها كان المفروض حيبقى فى حفل غنائى صغير كده كل لاناس تتجمع و يغنوا و يتسلو مع بعض و يفرحوا " عييد بقى "
المهم لحد هنا و الكلام كويس .. انماالغريب جدا و الهديه العظيكه اللى قدمتها الحكومه و ظباط امن الدوله ليهم كانت اكبر شىء فى اليوم ده
من حوالى الساعه 10 الصبح كده ... دخلت 3 عربيات امن مركزى .. وعدد كبير جدا " جدا " من المخبرين داخل الارض و قفلت كل الطرق اللى ممكن تدخل على الارض
وغلسو على كل الناس اللى داخلين الارض .. و كان فى تفتش و سؤال على البطايق و العناوين و كده
و تم منع جميع الناس من الدخول ... و مضايقتهم لحد ان احد الضباط كان بيقول لعساكر الامن المركزى
استعدوا عشاان كلاب الارض جايين " قصدوا على الاهالى " و كررو الكلمه دى كتير
و قدام الناس اللى كانت واقفه و عندها امل انها مجرد تدخلالارض و تقضى يوم واحد هناك
لازم اقول كماااان و ... حصل موقف يدل على طفاسة و عفانة الظباط و المخبرين و يأكد انهم ناس ناقصين ومعندهمش دم
كان فى شباب " من الاهالى " داخلين بيتهم .. و معاهم اكياس فيها فاكهه ... رخموا عليهم واخدوا منهم ...
حبة فاكهه .. و تمثلت فى موز .. و جوافه و بلح تقريبا او حاجه كده
طبعا اتاخدت عافيه من الشباب اللى كانو مروحين بيتهم
Subscribe to:
Post Comments (Atom)
No comments:
Post a Comment